Isa ang ‘birthday cake’ sa mga hindi mawawala sa handaan tuwing may isang tao na nagdiriwang ng kanyang kaarawan, at ito pa nga ay mas nagiging maganda kapag mayroon pa itong birthday candle na pinaniniwalaan natin na kapag ikaw ay humiling bago mo ito ihipan ay maari itong mabigyan ng katuparan.
Ngunit hindi nga naman lahat ng taong nagdiriwang ng kaarawan ay nakararanas na magkaroon ng birthday cake, dahil ang paghahanda sa kaarawan ng isang tao ay nakadepende pa rin sa kakayahan ng kanyang pamilya.
Samantala, kamakailan lamang ay may isang bata na nagdiwang ng kanyang kaarawan na umagaw ng pansin sa mga netizens. Ito ay dahil sa kumalat nga niyang larawan na kinunan nung araw ng kanyang kaarawan ay makikita na sa halip na birthday cake na gawa sa icing at sugar flower ang kanyang handa,
ay isa itong nilupak na saging na inihugis ng bilog at nilgyan lamang ng dekorasyon na “Happy Birthday”. Ayon sa ulat, ang naturang nilupak na saging na ginawang cake, ay ginawa ng mismong ina ng batang si Lixter na siya ngang nagdiwang ng ika-11 taon niyang kaarawan.
Dahil nga sa nagipit ang ina niyang kinilalang si Nanay Lea nung mismong araw ng kaarawan ng kanyang anak, ay ito na lamang ang naisipan niyang gawin upang mairaos lamang ang espesyal na araw na ‘yon sa buhay ng anak niya.
Pagbabahagi pa ng in ani Lixter, sa kabila ng nilupak na saging na ginawang cake lamang ang kanyang nakayanan na maibigay sa kanyang anak, ay pinaghirapan naman niya itong gawin at ito ay ginawa niya na punong-puno ng pagmamahal.
Narito nga ang buong post ng ina ni Lixter; “Happy birthday dong, hinaot unta nga tagaan paka ug kabaskog sa lawas ug kaon na ug tuda aron manambok na hehehe hinaot unta mahurot na akong hinimo na nilosak cake nemu haha gikapoy raba jud ko ug lusak ana dong hahaha. I love you.”
Ang nilupak na saging o tinawatag ngang nilusak sa ibang lugar ay magagawa gamit lamang ang tatlong ingrredients, at ang pinakapangunahing ingredients nga nito ay ang bunga ng saging na isa sa mga produkto ng ating bansa kaya naman mura lamang itong mabibili sa mga merkado.
Sa ibang lugar kung saan maraming tanim ng puno ng saging ay libre nga lamang nilang nakukuha ang bunga nito, lalo na kung sila ay may sariling pananim.
Kilala rin ang nilusak bilang isa sa mga masasarap na meryenda, kaya naman maraming mga Pinoy ang paborito ito.
Marami naman ang naantig sa naging ‘effort’ ni Nanay Lea na magawan ng cake ang kanyang anak sa kaarawan nito, kahit pa nga ba ito ay isang nilusak na saging. Kaya naman agad na nag-viral ang larawan ng anak niyang si Lixter na hawak ang nasabing cake.
0 Comments